Po mendoni të blini një shtëpi? – Kini parasysh këto këshilla përpara se të merrni një vendim
Blerja e shtëpisë suaj të parë është një moment i rëndësishëm dhe një investim i madh. Nëse bëhet gabimisht, pasojat mund të jenë të kushtueshme.
Të rinjtë përbëjnë pjesën më të madhe të blerësve të shtëpive dhe është normale që të bëjnë gabime në blerjen e tyre.
Ndaj më poshtë ne kemi listuar 3 gjëra që duhet të keni parasysh përpara se të blini shtëpinë tuaj të parë.
Shmangni këto tre gabime dhe nuk do t’ju duhet të blini një shtëpi të dytë për të rregulluar gabimet e shtëpisë së parë.
- Përdorni një agjent profesional të pasurive të paluajtshme
Blerësit që kanë një agjent të kualifikuar dhe me kohë të plotë që i ndihmon ata përfitojnë shumë nga ekspertiza e tyre pasi një agjent i mirë njeh kushtet aktuale të tregut dhe do ta keni shumë të lehtë për të gjetur një shtëpi të mirë me një çmim më të lirë.
Blerja e një shtëpie është ndër vendimet më të rëndësishme financiare që do të bëni ndonjëherë kështu që është shumë e rëndësishme që të konsultoheni me një agjent profesional të pasurive të paluajtshme.
2. Mos blini një shtëpi shumë të shtrenjtë
Shtëpitë e shtrenjta kanë gjithçka të shtrenjtë. Nëse blini një shtëpi të shtrenjtë mos mendoni se gjithçka mbaron aty. Ato para që shpenzuar janë vetëm fillimi.
Një shtëpi e tillë, ka nevojë për një mirëmbajtje të mirë, për një siguri më të lartë të cilat me kalimin e ko0hës shndërrohen në kosto që zor se përballohen.
Kur të blini një shtëpi të tillë, edhe nëse i posedoni të gjitha paratë, mendohuni mirë pasi gjithçka fillon pas blerjes së saj.
Bëni llogari në fillim të procesit dhe jini realistë për ato që mund të përballoni.
Në fund të fundit edhe shtëpia e ëndrrave tuaja mund të shndërrohet në një mankth kur të mos jeni në gjendje të paguani faturat e shtrenjta që do t’ju vijnë në fund të muajit.
3. Mos e nënvlerësoni faturën përfundimtare
Mbajtja e një shtëpie është shpenzim dhe angazhim i madh. Në fakt për blerësit për herë të parë është njësoj sikur t’ju ketë ndryshuar jeta.
Kur kaloni në shtëpinë tuaj ju bëni një lëvizje të madhe përpara kështu që kur flitet për blerjen e një shtëpie nuk flasim vetëm për ato katër mure po ashtu sikurse thamë dhe më sipër ju duhet të mendoni për mirëmbajtjen, sigurinë si dhe mobilimin e saj.
Kështu që bëjini llogaritë në total dhe në fund të gjithë këtyre vendosni se cilën shtëpi do të blini. Blerja e një shtëpie fillimisht nuk bëhet me zemër por me laps e letër.
V.H/SCAN
