“Gjëja më idiote”/ Plas “sherri” mes moderatoreve të njohura

360
0

Moderatorja Bieta Sulo ka ndërmarrë një nismë të veçantë në Instagram, për të ndarë të gjithë foto nga vendet me gjelbërim. Moderatorja e ndërmori këtë nismë, si një shenjë sensibilizimi për t’ju rikujtuar njerëzve sa i rëndësishëm është mjedisi.

“Në raportin e fundit të OKB-së për mjedisin parashikoheshin vite më të nxehtë në vijim, kështu që le t’i përvishemi punës… meqë jemi me pushime e nisim nga Instagrami, si shenja sensibilizimi virtual për gjithë sa po i ndodh natyrës (jo vetëm) përgjatë këtyre ditëve”, shkroi Bieta, duke ftuar miqtë e ndjekësit që të publikonin foto nga vende të gjelbëruara.

Ky postim nuk është mirëpritur nga kolegia e saj, moderatorja Balina Bodinaku. Ajo ironizon Bietën për nismën, duke e cilësuar si diçka pa vlerë.

“Sqarim për shoqet që më kërkuan të bëhem pjesë e nismës Instagrami i gjelbër. Vetëm ideja e gjelbërimit virtual, më ngjall krupën, ju dua shumë, mos ma kërkoni më. Seriozisht kushdo që e ka shpikur, është gjëja më idiote që mund të bënte. Në këtë moment do bënim mirë të shuajmë zjarret, jo të krijojmë realitete virtuale. Shumë faleminderit për mirëkuptimin”, ka shkruar Balina në reagimin e saj.

Por në kundërpërgjigje, Bieta ka ripostuar statusin e një blogere që e mbështet dhe shprehet se nisma do të vazhdojë për të gjithë ata njerëz që nuk e quajnë si “gjënë më idiote” dhe që “nuk mendojnë të fikin zjarret me një kovë ujë”.

“Që momentet e gëzuara të mos kthehen në kujtime të hidhura, ne gjelbëruam Instagramin. Kush mendon që me një kovë ujë i shuan zjarret, krahët e lehta i qofshin”, i është përgjigjur Bieta.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.