“Formula” e mjekut për rryshfetin, reagon Rama: Kurajo dhe paturpësi mbreslënëse..

474
0

Kryeministri Edi Rama ndodhet paraditen e sotme në themelet ku do të ndërtohet materniteti i ri Mbretëresha Geraldinë. Ai tha se ky maternitet do të jetë me kapacitete 3-fish më të mëdha, qendër për të porsalindurit, etj.

Rama komentoi dhe deklaratën e një mjeku të spitalit të Traumës pak ditë më parë, i cili kërkoi në një farë mënyre legalizimin e rryshfetit. Ai shprehej se familjarët dhe pacientët mund t’i linin paratë te recepsioni dhe më pas t’i merrnin mjekët.

“Më bëri shumë përshtypje para pak ditësh i mjekëve dhe një zëdhënës që kërkonte legalizimin e rryshfetit. Ishte vërtet mbreslënëse për nga niveli i kurajos dhe paturpësia e propozimit. Niveli i shpërblimit të mjekëve dhe infermierëve duhet rritur, dhe ne do ta rrisim. Ky është një zotim i planifikuar të mbahet, pagat për bluzat e bardha do rriten në 40%”, tha Rama ndër të tjera.

Pjesë nga fjala e Edi Ramës:

Më bëri shumë përshtypje para pak ditësh i mjekëve dhe një zëdhënës që kërkonte legalizimin e rryshfetit. Ishte vërtet mbreslënëse për nga niveli i kurajos dhe paturpësia e propozimit. Niveli i shpërblimit të mjekëve dhe infermierëve duhet rritur, dhe ne do ta rrisim. Ky është një zotim i planifikuar të mbahet, pagat për bluzat e bardha do rriten në 40%.

Por, të thuhet që ka ardh koha të legalizohet rryshfeti, është një mesazh kuptimplot që gjithë lëvizja anti-korrupison në të gjithë sistemin tonë shtetëror, ka filluar të ndjehet dhe shtrihet shumë më thellë.

Nuk mund të ketë në asnjë mënyrë barazim të të gjithë mjekëve, në përceptimin se të gjithë janë njësoj dhe të gjithë fusin duart në xhepat e familjarëve dhe pacientëve. E vërteta nuk është kështu dhe s’ka si të jetë.

Ne kemi në proces dhe ndërtimin e një rrjeti të tërë anti-korrupsion, nga ana jonë jo nga drejtësia e re, për të vendosur në një presion të dyfishtë gjithë sistemin publik. Edhe në spitale ne kemi filluar të vendosim rrjetin e individëve që do të jenë aty vetëm për këtë punë. Për të kontribuar në ndarjen e të njomit nga të thatët.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.