Avokatja e njohur Eni Çobani ka treguar se shumica e çifteve të njohura e kanë shumë të vështirë të pranojnë publikisht dështimin e martesës së tyre.
Gjatë bisedës Çobani veçoi rastin e ish-kryeministrit Fatos Nano, i cili pa hezituar pranoi menjëherë sapo u pyet për ndarjen nga bashkëshortja e tij.
Pas kësaj deklarate ai u paragjykua nga shumë persona, mirëpo sipas Çobanit ai u tregua “burrë” që arriti ta pranonte publikisht që martesa e tij me gruan kushte përfunduar.
“Ju kam kërkuar moderatorëve të bëjnë përballje mes personazheve që kanë një martesë dhe familje të lumtur dhe personazheve që martesa e tyre ka marrë fund dhe askush nuk ka pranuar. I pari personazh dhe i vetmi është Fatos Nano, i cili kur është pyetur për bashkëshorten e tij, ka thënë se gjithçka ka marrë fund dhe se ai dështoi.
Të gjithë e paragjykuan pas kësaj, ndërsa për mua u tregua burrë që arriti ta thoshte publikisht dhe nuk vazhdoi të lëndonte gruan e tij, ndërkohë që kishte një lidhje tjetër. Sot ai vazhdon i lumtur me gruan që ka në krah”, tha ajo në “Dita 8”.
