Agron Shehaj merr vendimin surprizë dhe sfidon Bashën, ne garë për te marre drejtimin e PD

388
0

Zhvillime të papritura në kampin e PD. Kur pritej të mbyllej diten e sotme afati për zgjedhjet ë 13 qershorit, të cilat do vendosin kryetarin e ri të kësaj partie, deputeti i zgjedhur i Tiranës, Agron Shehaj, ka zyrtarizuar papritur kandidaturën e tij.

Agron Shehaj ishte një nga kandidatët më të votuar të PD-së, në qarkun e Tiranës dhe shihet si kandidatura më e fortë përballë kreut aktual, Lulzim Basha.

Deri tani kanë zyrtarizuar kandidimin Ibzen Elezi dhe Fatbardh Kadilli.

Postimi i plotë i Agron Shehajt:

“Shqipëria ka sot nevojë për opozitë të fortë, parimore dhe frymëzuese. Shqipëria ka sot nevojë për Partinë Demokratike!

Ne demokratët do ta kapërcejmë gjendjen e vështirë ku jemi dhe do ngrihemi më të fortë se më parë. Përballë autokracisë, korrupsionit dhe paaftësisë së qeverisë, ne do të ndërtojmë alternativën e lirisë, ndershmërisë dhe aftësisë.

Për këtë duhen energji të reja, vizion i ri, drejtim i ri.

Me ketë bindje, kam vendosur të kandidoj për kryetar të Partisë sime. Konkurimin nuk e shoh si garë për një post, por si një përpjekje të përbashkët me të gjithë demokratët që dëshirojnë që partia jonë të jetë partia e anëtarëve: një parti e vërtetë demokratike, moderne dhe e hapur.

Unë besoj se çdo njeri duhet të luftojë duke dalë në shesh për atë që beson. Unë besoj se shërimi nga humbja vjen nga veprimi dhe jo nga apatia e ankimit për padrejtësitë, që sigurisht kanë ndodhur. Unë besoj se përparimi vjen përmes ndryshimit dhe jo ripërsëritjes së të njëjtave gabime.

Dua të shpreh mirënjohjen për të gjithë ju që më keni besuar e nxitur të marr përgjegjësinë e garës. Unë kam hyrë në politikë për të punuar për njerëzit, jo për t’u pasuruar dhe nuk do ju zhgënjej.”