Ne nje dalje te pazakontë, Kim Jong-un shfaqet duke i kerkuar njese popullit te tij dhe duke nxjerre lote gjatë ceremonise se 75-vjetorin e Partisë Popullore në pushtet, ndërsa lideri autoritar bëri një apologji të rrallë për dështimin e tij në udhëheqjen e vendit gjatë krizës së koronavirusit.
Gjatë paradës madhështore të mbajtur në fundjavë, Kim u pa teksa fshinte lotët, çka sipas analistëve, sugjeron trysninë gjithnjë e në rritje ndaj regjimit të tij.
“Populli im më ka dhënë besim, deri në lartësinë e qiellit dhe thellësinë e detit, por unë jo gjithmonë kam arritur të përmbush të gjithë nevojat e tij. Më vjen shumë keq”, tha Kim Jong-un.
Ndërsa, parada në kryeqytetin Penian përfshinte ekspozimin e raketave të reja balistike ndërkontinentale dhe artilerive të tjera të rënda, analistët thonë se Kim e përdori një pjesë të madhe të fjalimit të tij për t’u solidarizuar me popullin koreano-verior që po vuan një krizë të thellë ekonomike.
Gjatë mbylljes së kufijve si pasojë e pandemisë, tregtia e Koresë së Veriut me partnerin kryesor Kinën, ra drastikisht edhe pse Peniani thotë se kanë regjistruar asnjë rast me Covid-19.
Sanksionet ndërkombëtare shumëvjeçar si kundërpërgjigje e programit bërthamore dhe dëmet e shkaktuara nga katastrofat natyrore e kanë vështirësuar tej mase situtatën ekonomike në vend.
