Momentet e vështira në jetë ndonjëherë të errësojnë sytë, një gjë e tillë ka ndodhur disa vite më parë edhe me aktoren Ema Andrea.
Ajo ka treguar mbrëmjen e sotme në “S’e luan topi”, se ka qenë në momente të errëta të jetës së saj, ku ka tentuar ti bëje keq vetes por ka qenë vajza e saj ajo që ia ka shpëtuar jetën.
Andrea tha se e gjithë kjo rëndesë emocionale dhe psikologjike i ka ardhur si pasojë e “botës së egër” siç e quan ajo dhe vështirësive që ka hasur në karrierë.
“Ndoshta për herë të parë ka qenë një moment shumë i rëndë i vetes time kur unë mund të merrja vendime fatale për veten dhe kjo shfaqje më ka shpëtuar. Kjo shfaqje, ardhja e saj në dhomë dhe shkrimi. Mua më shpëtoi Sara (e bija), ardhja e saj në dhomë dhe të shkruarit. Isha shumë e mërzitur, e përjashtuar të duket vetja e dështuar e pa zonja që po të shfrytëzojnë një botë e egër, për mua ishte një vetmi e tejskajshme e braktisur në të gjitha krahët.
Nuk ia fal atyre që ma kanë bërë, asgjë nuk ndodh por nuk i fus dot në zemër ata njerëz dhe në hapësirën time atë njerëz që e kanë rritur atë frustrim dhe që e kanë shfrytëzuar veten time në ato momente të dobëta. Qoftë edhe për të blerë për të rritur thashethemnajë, mua më ka shpëtuar ime bijë ndërsa procesimin e gjatë për me e ridasht jetën e ka bërë suksesi i kësaj shfaqjeje në të gjithë botën, shkela në skena të rëndësishme dhe u vlerësova.
Kjo më dha forcën që ti vlen. Jeta ime është e lidhur fort me çdo gjë që e kam bërë sepse nuk më është ofruar e kam ndërtuar.”- tha artistja Ema Andrea.
