“Dy femije u varën live në Tik Tok”/ Karamuço tregon rastin e RËNDË: Të tjerët komentonin dhe qeshnin

83
0

Rrjeti social “TikTok” është bërë një burim krimesh kohët e fundit, që ka prekur edhe Shqipërinë, me rastet që kanë ndodhur.Profesori i kriminologjisë, Ervin Karamuço, i ftuar në “Top Talk”, solli edhe njëherë në vëmendje pasojat që ky rrjet, kaq i përdorur social, shkakton tek fëmijët, deri në vetëvrasje.

“Ne kemi dy ngjarje, na u vetëflijuan dy fëmijë me ato sfidat e TikTok. Nuk ishin në radarin e policisë se çfarë loje po bënin. Shikonin një litar, shikonin që po vareshin, të tjerët qeshnin dhe komentonin, ndërkohë ata humbën jetën”, mori shembull profesori.

Karamuço sugjeron që përgjegjësit e këtij rrjeti duhet të përdorin disa mekanizma që të parandalohen këto ngjarje dhe të bllokohen, ndërsa nga para e autoriteteve shqiptare duhet të përdorin mekanizma se “si mund t’i fshijnë sepse nuk lejohet.”

“Na u vra ajo vajza në Siçili, 600 mijë llogari u fshinë nga ana e autoriteteve italiane. Ka një version TikTok për të mitur, që ne nuk e dimë. Askush nuk e hap nga ne sepse duam të shikojmë të pamundurën. Shumica e gjeneratës së re projektojnë çdo gjë nga rrjetet sociale, e kanë lënë më një anë librin”, tha Karamuço.