Daniel Godelli nuk i shkoi mbarë përfaqësimi në Europianin që po zhvillohet në Rumani.
Peshëngritësi shqiptar nuk arriti të mbyllë me sukses asnjë nga provat në stilin e shkëputjes ku në shtangë kishte 159 kg. Kjo paraqitje i hoqi mundësinë që të kualifikohej në dygarësh për peshën deri 77 kg.
Daniel Godelli vendosi të mos vijojë garën në stilin e shtytjes. Godelli pati edhe dhimbje në krah. Në Kampionatin Europian që po zhvillohet në Bukuresht nuk mori pjesë Erkand Qerimaj. Ai u tërhoq për shkak të një problemi fizik.
