Nuk paskan fund çudirat dhe mospërputhjet e rezultateve të votimeve të djeshme.
Pas Divjakës dhe Malësisë së Madhe, edhe kandidatja socialiste e Urës Vajgurore, Juliana Memaj, rezulton të jetë shpallur fituese me shumë më shumë vota nga sa kanë votuar.
Kjo pasi sipas të dhënave të publikuara nga Komisioni Qendror i Zgjedhjeve, Memaj është shpallur fituese me 7666 vota.
Mirëpo nga ana tjetër hendeku është i madh, pasi pjesëmarrësit në votim janë 5900.
Kësisoj, kandidatja socialiste rezulton fituese me 1766 vota më shumë.
Të dhënat konfirmohen edhe në faqen zyrtare të KQZ.