Djali shqiptar, Alvin Berisha, për fat të mirë duket se po integrohet në ambjentin e ri pranë familjes shumë shpejt, pas një kohe të gjatë prej 5 vjetësh në kampin famëkeq “Al Hol”, në Siri.
I ati i tij, Afrimi, ka vendosur t’i hapë vogëlushit një profil në rrjetin social “Instagram” duke vendosur disa foto të vogëlushit.
“Ja dhe instagrami jonë”, shkruan ai, teksa ka publikuar disa foto të Alvinit, i cili shfaqet mjaft i lumtur. Ai më në fund mund të shijojë fëmijërinë e tij si cdo bashkëmoshatar i tij.
Alvin Berisha preku zemrat e të gjithë shqiptarëve, italianëve, por edhe më gjerë me jetën e tij, prandaj vazhdon të ketë vëmëndjen e të gjithve si dhe lutjet tona që ai të ketë një jetë sa më të lumtur dhe të qetë.
