Mesditën e sotme një ngjarje e rëndë ndodhi në qytetin e Fierit. Grabitja e një pikë këmbimi valutor nuk shkoi ashtu siç ishte parashikuar nga autorët e ngjarjes.
Dy persona mbetën të plagosur, ndërsa një dëshmitar okular tregon gjithë skenën e krimit. Sipas tij dy persona u futën në pikën e këmbimit valutor, të maskuar dhe me automatikë në duar.
Ai rrëfën se policia erdhi gjysmë ore pasi kishte ndodhur e gjithë ngjarja.
“Po kërkonte ndihmë ai i valutës dhe ajo gruaja brenda, por njeri nuk u afrua fare. Policia nuk ishte. Më pas erdhi Aguri mori karrigen time dhe e goditi. Unë isha pas Agurit dhe rashë menjëherë që mos me merrte plumbi. Ata ishin dy veta të maskuar me automatik. Më pas ikën në këmbë. “Çohuni o popull”- thashë unë se na vranë.
Policia erdhi pas gjysmë orë. Kurse ambulanca erdhi më vonë, pas policisë” tregon dëshmitari.
Nga kjo ngjarje të plagosur mbetën 64-vjeçari Gëzim Hoxha, pronari i pikës së këmbimit valutor dhe një tjetër person, i identifikuar si Agur Vrenozi 53 vjeç.
Policia vuri në pranga Zini Fyrajn, 37 vjeç, banues në Sevaster, Vlorë, Lulëzim Demiraj 42 vjeç, banues në Vajzë, Vlorë dhe Dashamir Gergali, 41 vjeç, banues në Zhupan, Fier, si autorë të ngjarjes.
/noa/
