Ndërsa Shqipëria është në pikun e sezonit veror, dita e shtunë e ka gjetur Vlorën dhe Sarandën të zbrazur nga pushuesit. Plazhet e qytetit thuajse janë të boshatisura.
Nga ana tjetër shërbimet hoteliere në Vlorë raportohet se po funksionojnë me 50% të kapacitetit të tyre.
Operatorët turistikë pranojnë se çmimet e larta kanë ulur numrin e pushuesve vendas. Në Sarandë numrin më të lartë të turistëve e mbajnë shqiptarët e Kosovës, duke u ndjekur nga Polakët e Gjermanët.
E njëjta situatë është paraqitur edhe në Jalë, ku vihet re një ulje drastike e turistëve si asnjëherë me parë.
Një tjetër arsye për uljen e numrit të pushuesve janë prurjet e pakta që vijnë nga Europa lindore kryesisht nga Ukraina e Rusia. Lufta ka ndikuar si në rritjen e çmimeve ashtu edhe në uljen e numrit të pushuesve.
