Në seancën e sotme parlamentare kanë bërë betimin, gjashtë deputetët e rinj që kanë pranuar të marrin mandatin.
Bëhet fjalë për tre ish-aleatë të Lulzim Bashës, Artur Roshin, kryetari i Partisë Balli Kombëtar Demokrat, Zef Shtjefnin, kryetar i partisë Ora e Shqipërisë dhe Nikolin Stakën i Lëvizjes Demokratike për Ndryshim.
Ndërkohë nga radhët e Lëvizjes Socialiste për Integrim është betuar edhe Eugen Bojaxhiu dhe nga kandidatët e Partisë Demokratike, Fatjona Dhimitri dhe Andi Përmeti.
Por ajo që bie në sy është se Andi Përmeti është edhe themelues i partisë së re Bindja Demokratike, e drejtuar nga Astrit Patozi.
Ndonëse parti e re tashmë Bindja e Patozit, është e përfaqësuar edhe në Kuvend.