Albert Troci, mjeku shqiptar që punon në Itali, ka treguar përjetimet e para dhe efektet anësore që ka pasur pasi ka bërë vaksinën antiCovid-19.
“Efektet më të zakonshme janë dhembja te vendi i injektimit, dhembje muskujsh, pak luhatje temperature apo dhembje koke. Raste fatale nga vaksina deri tani nuk ka. Unë e këshilloj me shumë forcë vaksinimin, vetëm kështu mund të dalim nga kjo situatë”, është shprehur mjeku për A2 CNN.
Më tej, Troci ka shtuar se siguria e vaksinës ëhstë shumë e lartë. Sipas tij, edhe skeptikët do të binden kur të vaksinohen të afërmit e tyre.
“Nuk jam transformuar gjatë natës. Siguria është e lartë. Edhe po të marrim një antibiotik, udhëzuesi thotë se ka disa efekte anësore. Tashmë janë vaksinuar miliona njerëz në të gjithë botën dhe skeptikët e vaksinës do të binden kur ta marrin të afërmit e tyre dhe të mos shfaqin probleme pas vaksinës”, është shprehur Albert Troci, mjeku shqiptar që punon në Itali.