Një mjeke nga Meksika, emri i së cilës nuk bëhet e ditur, është shtruar në spital pasi bëri vaksinën kundër COVID-19.
Ajo përfundoi në njësinë e kujdesit intensiv të një spitali publik, pasi përjetoi kriza, vështirësi në frymëmarrje dhe një skuqje të lëkurës.
Autoritetet meksikane thanë se po studiojnë rastin e doktoreshës 32-vjeçare, e cila u shtrua në spital pasi bëri vaksinën Pfizer-BioNTech.
Ministria e Shëndetësisë shtoi se mjekja ka një histori të reaksioneve alergjike dhe se nuk ka asnjë provë nga provat klinike që dikush ka zhvilluar një inflamacion të trurit pas aplikimit të vaksinës.
Më shumë se 126 mijë njerëz kanë vdekur nga COVID-19 në Meksikë.
