Reuters citon një negociator ukrainas, i cili ka bërë me dije se Ukraina nuk mori rezultatet në të cilat kishte pritur, por se të dyja palët kishin arritur një mirëkuptim për një sigurim të përbashkët të korridoreve humanitare për evakuimin e civilëve.
Ndërsa këshilltari i Presidentit Volodymir Zelenskyy, Mykhailo Podolyak tha se: Ne diskutuam për aspektin humanitar. Ka një situatë dramatike. Rusia dhe Ukraina ranë dakord për një sërë çështjesh humanitare, duke përfshirë mundësinë e një armëpushimi të përkohshëm për të organizuar korridoret humanitare.
Rusia dhe Ukraina do të vazhdojnë negociatat në raundin e tretë në të ardhmen e afërt. Sipas kryenegociatorit rus Vladimir Medinsky, “progres i rëndësishëm” është bërë në bisedimet me Ukrainën.
