Aksidenti në Shkodër, parakalimi i gabuar që iu mori jetën 3 personave

583
0

Aksidenti në aksin Velipojë- Shkodër, ka qenë tragjik për familjen Preka, pasi kryefamiljari dhe dy fëmijë humbën jetën, ndërsa bashkëshortja dhe njëra vajzë ndodhen në spital.

Familja Preka udhëtonte me një automjet të tipit Alfa Romeo,  e cila u përplas me një fuoristradë  e tipit “Hounday” që drejtohej nga 49 vjeçari, Sokol Mullaj, ndërsa pasagjer ishte 50 vjeçari, Ndrek Gjergji.

Sipas Gazetës Express, shenjat paraprake tregojnë se ka qenë parakalimi i gabuar i fuoristradës që ka shkaktuar aksidentin, megjithatë mbetet për t’u pritur ekspertiza e plotë.

Kujtojmë se aksi rrugor në fjalë ka mungesë të sinjalistikës, përfshi këtu edhe mungesën e ndriçimit.