Një aksidenti rëndë me pasojë vdekjen e tre personave ka ndodhur në aksin Levan-Tepelenë.
Një automjet tip “Suzuki” ka përfunduar në kanal, në fshatin Varibop dhe viktima në aksident kanë mbetur tre pjesëtarë të një familjeje, ndërsa mësohet se ishin duke u kthyer nga një dasmë.
Makina me targa IHZ1755 dyshohet se ka dalë jashtë rrugës gjatë orëve të mbrëmjes, pasi drejtuesi Fisnik Murataj ka humbur kontrollin. Mjeti u gjet vetëm mëngjesin e sotëm, dhe mësohet se viktimat, dy vëllezër dhe nusja e njërit prej tyre, janë pjesë e familjes Murataj nga fshati Kute e Mallakastrës.
“Në datën 09.04.2018, rreth orës 08:10, në aksin rrugor Levan-Tepelenë, në fshatin Varibop, në kanalin me ujë në anë të rrugës është gjetur i rrëzuar një mjet tip “Suzuki” me targa IHZ 1755. Për pasojë janë mbytur tre persona, drejtuesi i mjetit dhe dy pasagjere”, sqaron policia.
Grupi hetimor ndodhet në vendngjarje dhe po heton për të zbardhur shkaqet e aksidentit dhe identifikimin e plotë të viktimave.
