66 persona humbën jetën në një aksident rrugor në jug të Etiopisë. Lajmin e njoftoi dje shërbimi shëndetësor shtetëror. Departamenti i Shëndetësisë Shtetërore Shidama tha në Facebook se aksidenti i trafikut ka marrë jetën e 66 personave, pa dhënë shumë detaje.
Sidama ndodhet rreth 300 kilometra në jug të kryeqytetit Addis Abeba. Sipas autoriteteve, katër të plagosur po trajtohen në spitalin e përgjithshëm në Bonë. Pamjet e publikuara tregojnë njerëzit mund rreth një automjeti të dëmtuar, pjesërisht të zhytur në ujërat e lumit ndërsa tentojnë ta nxjerrin nga uji.
Imazhet e tjera tregojnë kufoma, të mbuluara me qefina blu, të rreshtuar në tokë. Agjencia shprehu ngushëllimet e saj për familjet e viktimave të aksidentit, duke shtuar se do të publikojë më shumë informacion rreth aksidentit kur të bëhet i disponueshëm.
