Detaje të reja kanë dalë në “dritë” nga ngjarja e rëndë e ndodhur mesditën e sotme në qendra tregtare “Toptani”, në Tiranë.
Një vajzë 4-vjeçare pësoi një aksident teksa u rrëzua në hapësirën mes shkallëve elektrike të katit të tretë. Nga detajet e para bëhet me dije se pas aksidentit vogëlushja ndodhet në reanimacion në spitalin e Traumës.
Mësohet se e mitura ka pësuar dëmtime në pjesën e kokës dhe fraktura në trup. Gjendja e saj paraqitet e qëndrueshme dhe po mbahet nën kujdes intensiv nga mjekët e spitalit.
Grupi hetimor po punon për zbardhjen e rrethanave të këtij incidenti.
- Çfarë njoftoi policia?
“Më datë 01.09.2024, rreth orës 11:15, në një qendër tregtare në rrugën “Murat Toptani”, dyshohet se aksidentalisht është rrëzuar në hapësirën midis shkallëve elektrike të katit të 3-të, një e mitur 4 vjeçe, e cila si pasojë është dëmtuar dhe ndodhet në spital, në kujdesin e mjekëve. Grupi hetimor po punon për sqarimin e rrethanave të ngjarjes”, njoftoi policia.