Personat që shihni në fotot e mëposhtme, janë dy viktimat që shkaktoi shpërthimi i kësaj të Premteje në Lushnje. Roland dhe Elidon Hoxha, babë e bir po punonin në vinçin i cili ra në kontakt me linjën e tensionit të lartë e më pas flakët shpërthyen masivisht.
Dita e djeshme ishte dita dhe parë e punës për të dy, por ata nuk e dinin që kjo do të ishte edhe dita e fundit.
Roland Hoxha humbi jetën që në momentet e para të ngjarjes për shkak të plagëve të rënda, ndërsa i biri 24 vjeçar nuk ia doli dot të mbijetojë rrugës për në spitalin e Traumës.
Të plagosur kanë mbetur dhe 6 të tjerë, 2 prej të cilëve ndodhen aktualisht te Trauma në kryeqytet. Për deputetin Bujar Çela dhe 4 pacientët e shtruar në spitalin e Lushnjes, është dhënë lajmi i mirë se nuk kanë dëmtime serioze, ndërsa pritet të mësohet më shumë mbi gjendjen shëndetësore të një 42 vjeçari tjetër.
![](https://shqiptari.net/wp-content/uploads/2024/03/viktima-e-plote-1024x5761-1.jpg)