Kryeministri Edi Rama deklaroi se brenda vitit vendi ynë do të ketë satelitët e tij që do të kenë kontributin e tyre në sektorin e bujqësisë. Rama premtoi se bujqësinë në vend do ta çojnë në një nivel tjetër.
“Na duhet të shtyjmë më shumë tek teknologjia dhe inovacioni. Nëse mbi 15 mijë fermerë duan naftë, po sa traktorë ka ky vend se nuk del llogaria. Ka një shkalë fiktiviteti.
Si do të adresohet? Do të adresohet përmes teknologjisë dhe formalizimit. Nga një anë me regjistrin e tokës dhe vënien në përdorim dronët dhe satelitët, por që do të vijnë brenda këtij viti shpresoj dhe me faturat.
Naftën do ta marrësh por do të sjellësh faturat tani. Do të vijë edhe raporti që ti ke marrë naftën dhe ke shitur.
Për atë sasi do të vazhdosh të kompensohesh. Do të kërkojë kohën e vet.
Pesë mijë të tjerë janë në proces. Ne nuk kemi dashur ta bëjmë të vështirë dhe të lodhshme prandaj ne jemi duke punuar që inspektimin ky vend ta çojë në qiell. Ta bëjë me satelitë, drona dhe jo me inspektorë”, tha Rama.
