Do të jetë një ditë e ngjeshur me takime kjo e sotmja për kreun e PD-së Lulzim Basha, ndërkohë që në zyrën e tij kanë mbërritur ambasadorët e disa prej vendeve më të rëndësishme, përfshirë SHBA dhe BE.
Në zyrën e Bashës kanë mbërritur:
Ambasadorja Amerikane — Yuri Kimi
Ambasadori Britanik — Alaistair King-Smith
Ambasadori gjerman —Peter Zingraf
Ambasadori i BE-së Luigji Soreca
Ambasadori i OSBE Vincenzo del Monaco
Ambasadorët nuk kanë pranuar të flasin për mediat përpara takimin me Lulzim Bashën, ndërsa u pritën nga disa prej deputetëve të PD-së.
Këto zhvillime në PD vijnë një ditë pas përplasjes së djeshme, ku Sali Berisha shkoi në seli, dhe mbajti mbledhje me anëtarët e Komisionit të Rithemelimit të PD-së, ndërkohë që Basha ishte po ashtu në një mbledhje me forumet e PD-së.
Basha dhe Berisha pritet të kenë përplasjen finale në datën 19 Dhjetor, ku Basha pretendon që të mbajë Kuvendin Kombëtar, ndërsa Berisha referendumin për shkarkimin e tij.
