Dalja e lumit Vjosa nga shtrati ka krijuar situatë të rënduar nga përmbytjet. Prej ditësh tashmë, vendi ynë është përfshirë nga moti keq me reshje shiu dhe dëbore në shumë qytete.
Kryeministri Edi Rama me anë të një postimi në rrjete sociale, shkruan se ekipet mjekësore janë në gatismëri për të gjithë qytetarët e prekur.
Kreu i qeverisë u bën apel banorëve të këtyre zonave që të telefonojnë numrin e urgjencës, 127 për çdo ndihmë mjekësore.
“Ekipet mjekësore janë në gatishmëri, duke garantuar shërbimin mjekësor që i nevojitet banorëve të prekur nga përmbytjet, si pasojë e daljes nga shtrati të Vjosës. Telefononi 127 për çdo urgjencë mjekësore,” shkruan ai krahasa fotove dhe videove që ka postuar.
