Kryeministri Edi Rama ka inspektuar një tjetër shkollë në Durrës, e cila u rindërtua pasi u dëmtua nga tërmeti tragjik i 26 nëntorit të vitit të kaluar. Rama i shoqëruar nga ministri për Rindërtim Arben Ahmetaj, kanë ndjekur paraditen e sotme nga afër ambientet e shkollës. Ai po kështu ka takuar mësuesit dhe nxënësit, ku nuk kanë munguar edhe fotot në shenjë kujtimi.
Kreu i qeverisë nuk ka kursyer as batutat me drejtoreshën e shkollës, për të cilën u shpreh: “Je një shtrigë ti, të ka dalë nami gjithandej që je shtrig”.
Minuta 13:13
Për drejtoreshën e shkollës ka pasur edhe një moment të sikletshëm
Rama i drejtohet mësueses: Kush është drejtoresha nga ju?
Mësuesja tregon nga drejtoresha
Drejtoresha: Nuk ka problem, ne punojmë si staf.
Rama: Duket që ishe ti drejtoresha, se kur të doli para mësuesja të bënë sytë xixa.
Mësuesja: Nuk e dija që ishte pas meje.
Drejtoresha: Nuk ka problem.
Rama: Je një shtrigë, e di si e ke namin si shtrigë apo jo. Të ka dalë nami gjithandej.