Diten e sotme u mbyllen shkollat ne Bukuresht, duke kaluar në mësimin online për të paktën dy javët e ardhshme, pasi kryeqyteti regjistroi më shumë se tre raste të koronavirusit për 1,000 banorë gjatë dy javëve të mëparshme.
Kjo ishte vija e kuqe që zyrtarët kishin dhënë për vendosjen e masave më të rrepta, duke përfshirë mbylljen e të gjitha shkollave, restorantet e brendshme, kafenetë, teatrot dhe kinematë për dy javë, dhe mbajtjen e detyrueshme të maskave në të gjitha hapësirat publike.
Në një konferencë për shtyp të hënën në mbrëmje, presidenti rumun Klaus Iohannis tha se e gjithë shoqëria rumune ishte në kaos nga pandemia, duke përfshirë shkollat.
Të martën, vendi raportoi 3,400 raste të reja të virusit, më pak se rekord me mbi 4,000 raste javën e kaluar, por trefishi i infektimeve nga një muaj më parë.
65 rumunë të tjerë vdiqën gjatë 24 orëve të fundit, duke e çuar numrin e përgjithshëm të vdekjeve nga COVID-19 në vend në rreth 6,000 që nga fillimi i pandemisë, ndërsa regjistron në total 186,254 raste të koronavirusit deri më tani.
