Presidenti i Shtetetve të Bashkuara të Amerikës i ka dhënë medalje një nxënësi ekselent nga Shqipëria.
Ai është Dario Toska, dhe u nderua me medaljen e artë të ekselencës, të programit “President’s Outstanding Education Aëard”.
Kjo medalje jepet dy herë gjatë arsimit të ciklit 8-vjeçar për nxënësit e shkëlqyer, në përfundim të klasës së pestë dhe asaj të tetë.
Dario sapo përfundoi me rezultate të shkëlqyera klasën e 8- të të shkollës amerikane Garmisch Elementary/Middle School në Gjermani, pjesë e sistemit të shkollave amerikane në Europë.
Shqiptari Dario Toska, bashkë me prindërit e tij, provuan këto ditë një tjetër gëzim të veçantë. Që nga klasa e parë e deri me përfundimin e klasës së tetë, ai ka pasur vetëm rezultate të shkëlqyera, duke u shpallur çdo vit si nxënësi më i mirë i shkollës.
Edhe në vitin 2017, me mbarimin e klasës së pestë, Dario u vlerësua me këtë medalje.
