Kaskada e Niagarës e mbuluar nga akulli. Pamjet spektakolare u
xhiruan me dron ditën e martën, ndërsa pjesa qendrore e verilindore e
Shteteve të Bashkuara është përfshirë nga acari e bora.
Shërbimi meteorologjik paralajmëroi për stuhi të rrezikshme dimërore në rajonin lindor ku jetojnë rreth 100 milion njerëz.
Të paktën 7 persona kanë humbur jetën si pasojë e motit të keq rreth Shteteve të Bashkuara, përfshirë një 12 vjeçare në Çikago.
Në shumë zona lindore trashësia e borës ka arritur në 30 centimetra. Në Minesota dhe Wisconsin temperaturat do të zbresin në -20 gradë celsius.
Stuhitë kanë shkaktuar probleme në qarkullim me qindra fluturime të anuluara.
Bora ka mbuluar edhe shumë qytete evropiane. Banorët e Parisit dhe Brukselit po e shijojnë pamjen e ofruar nga reshjet e para të borës për këtë sezon./a2news/
