Nëse po kërkoni për një burrë, një grua mund të ketë zgjidhjen perfekte për ju. Në vend që të shiste në eBay dhuratat e saj të padëshiruara, një grua në Gjermani vendosi që të nxjerri bashkëshortin në shtije, këto Krishtlindje që kaluan.
Gruaja, e cila jeton në Hamburg dhe njihet me pseudonimin Dorte L, ka shkruar “Bashkëshort i përdorur” në njoftimin e saj në faqen online të shitjeve.
Dhe çmimi fillon nga 18 Euro, të cilin e konsideron se numrin e saj me fat, shkruan Mirror.
Dorte L, ka shkruar në reklamën e saj se është “lodhur” nga sjellja negative e partnerit të saj. Ata janë martuar prej 7 vitesh dhe ajo mendon se nuk i përkasin më njëri tjetrit.
“Gjatë këtyre ditëve të Krishtlindjeve kam kuptuar se ne nuk i përkasim njëri- tjetrit. Nuk dua të rri më me bashkëshortin tim, jam e lumtur të negocioj për çmimin. Dorëzimi është i mundshëm dhe sot, kështu që mund ta provoni menjëherë, por nuk mund ta ktheni”.
Sipas Hamburger Abendblatt, njoftimi i saj mori shumë përgjigje, por nuk kishte asnjë ofertë konkrete.
Ajo tha për gazetën se, “lajmërimi më shkoi shumë mirë dhe kisha përgjigje shumë pozitive”.
Në fund 40-vjeçarja ka thënë se të gjithën këtë e bëri për argëtim.
Dorte shtoi se burri i saj nuk ishte në dijeni të reklamimit të tij në eBay, por një gazetë lokale shkruajti për njoftimin./tvklan.al