Pas zbulimit të skandalit me falsifikimin e dokumenteve me kompaninë
DH Albania,nga emisioni të paekspozuarit, ARRSH ka anuluar tenderin me
këtë kompani.
Ky lajm është dhënë nga vetë Ministri i Energjisë dhe Infrastrukturës, Damian Gjiknuri gjatë një konference për mediat, mëngjesin e sotëm.
Gjiknuri tha se ai nuk ka asnjë lidhje me këtë
skandal dhe se nuk është i përfshirë në këtë aktivitet kriminal dhe
sipas tij këto janë gjëra gjë ndodhin.
Deklaroj me përgjegjësinë time të plotë, nuk ka asnjë lidhje me këtë
aktivitetet kriminal.Kam komunikuar për të marrë informacione nga
autoritetet amerikane. Nga përgjigjet e ardhura dje, thuhet se një pjesë
e paraqitur nga DH Albania nuk është e saktë , por e falsifikuar. Pas
marrjes së këtij konfirmimin, ARRSH ka zgjidhur kontratën. Sot që flasim
ARRSH ka bërë ndërprerjen e kontratës .Materialet do t’i referohen
prokurorisë shqiptare. Të njëjtën praktikë ka ndjekur edhe OST.
Kontratat nuk ka nisur të zbatohet. Dua të them se falsifikimi i
dokumenteve është bërë jashtë territorit të Shqipërisë. Legjislacioni
nuk kërkon verifikimin e informacionit të ofertuesve përveç rasteve
specifike kur ka dyshime të arsyeshme për të dhëna të rreme. ARRSH nuk
ka patur asnjë detyrim të kërkonte verifikim informacione. Sot kam
propozuar ndryshime për prokurorimin publik, i jam drejtuar agjencisë.
Ofertuesit ti verifikohet informacioni përpara lidhjes së kontratë. Nuk
rezulton të jetë shkaktuar dëm shtetit. Të tre lotet do të shkojnë në
hetim dhe nga kjo do të dalin të vërteta. Njohja e licensave behët
përmes disa kriter dhe kjo nuk ka bërë përjashtim. Nga pikëpamja e
legjislacionit është bërë falsifikim. Ka patur edhe raste të tjera të
falsifikimit”, – vazhdoi ministri.
