HomeNews“Veç mos mbërrifsha...

“Veç mos mbërrifsha në Amerikë. ..Të më puthin këmbët që i largova nga ky vend. E kurrë mos shkelshin më këtu!.

Nga Luna Ruvina

Pas 16 e kusur vitesh në Amerikë, ku ka emigruar një komshiu im me grua e fëmijë, i erdhi koha e pensionit. Kishte shkuar në zyrat që merren më këto punë atje në Amerikë e kishte paraqitur dokumentet që i ishin kërkuar. Pas tre minutash, punonjësja i kishte treguar në cilen banke duhet të paraqitej, në cilën datë e sa dollarë do të merrte.

Pas kësaj, preu biletën për Shqipëri e përvecse për t’u çmallur me fis e farefis në vendin e vet, e ndau mendjen të bënte edhe ç’duhej të bënte për të marrë pensionin për aq vjet sa ka punuar këtu. Mblidh dokumente këtej e mblidh andej, është bërë më shumë se një muaj. Diku është punonjësja me leje, ajo e zyrës ngjitur i shpjegon se lejet i jep drejtori, kështu që ajo s’ka se si ta dijë se kur kthehet në punë kolegia. Në një zyrë tjetër iu deshën ditë derisa t’i printe fati e ta gjente punonjësen në zyrë në një prej pushimeve mes kafeve. Një ndërmarrje ku kishte punuar nja pesë vjet s’e gjeti fare. Ishte privatizuar e shokët e dikurshëm, më të rinj se ai, që kishin vazhduar të punonin po aty, kishin muaj e vite pa marrë rrogën. Nëpër zyra nuk pipëtinte kush dhe ai e humbi krejt shpresën se do arrite të gjente ndonjë copë vërtetim për punën e bërë aty dikur.

Duke turfulluar për gjithë ato lekë që iu desh të paguante për shtyrjen e biletës pas një muaj e ca që s’i dolën për të mbaruar punë, më tha: “Veç mos mbërrifsha në Amerikë. Do t’i mbledh grua e fëmijë e do t’u kërkoj të më puthin këmbët që i largova nga ky vend. E kurrë mos shkelshin më këtu!.

Ai të paktën e di se ku e kur do t’i marrë ca dollarë në muaj, kurse unë pyeta veten direkt “Mos duhet t’i filloj letrat e pensionit që tani, se ku i dihet? Apo ta shoh një herë atë punën tek piceria te lagja e tyre në Amerikë, ku i binte të merrja trefishin e pagesës që marr këtu për punë intelektuale për një pension qesharak e të pasigurt”. S’e di!/dritare.net

Get notified whenever we post something new!

spot_img

Create a website from scratch

Just drag and drop elements in a page to get started with Newspaper Theme.

Continue reading

Ndryshimi i Orës, mund të dëmtojë edhe shëndetin

Ora Verore 2025 ka nisur — ja çfarë ndodh me trupin tuaj kur “kalohet përpara” Të dielën e fundit të muajit, më 30 mars, rikthehet ora verore dhe akrepat pritet të shkojnë 60 minuta para. Kjo ndodh çdo vit në...

Nuk pranuan lidhjen e vajzës së tyre me një vajzë, arrestohen 2 prindërit në Itali

Dy prindër italianë të cilët nuk kanë pranuar orientimin seksual të vajzës së tyre 19-vjeçare dhe e kanë mbyllur në shtëpi kanë përfunduar në pranga. Mediat vendase bëjnë të ditur se vajza e tyre ishte lidhur në mënyrë romantike me...

Aktorja e njohur tregon shenjat ‘delikate’ të kancerit në kokë që ajo i injoroi

Aktorja e “Grey’s Anatomy”, Kate Walsh foli së fundmi për udhëtimin e saj shëndetësor dhe shenjat që ajo injoroi që çuan në diagnozën e saj me kancer në tru . E njohur për rolin e saj si Dr. Addison Montgomery,...

Enjoy exclusive access to all of our content

Get an online subscription and you can unlock any article you come across.