Një djalë në moshë të re, ka humbur jetën në mënyrë të dhimbshme në Tiranë, këtv të mërkurë.
Ngjarja e rëndë ka ndodhur në rrugën “Teodor Keko”, ku viktima është një 28-vjeçar.
Më konkretisht, 28-vjeçari E.P., banues në Kamëz, ka qenë duke transportuar disa hekura, në momentin që humbi jetën.
Kjo pasi shufrat e hekurit kanë takuar në telat e korrentit dhe për pasojë i riu ka gjetur vdekjen.
Nga të dhënat paraprake dyshohet se ngjarja është aksidentale, ndërkohë që materialet iu referuan Prokurorisë së Tiranës për vlerësim.