Granit Plava, autori i vrasjes së Liridona Ademajt, ka deklaruar se Naim Murseli e ka porositur për këtë vrasje dhe ka qenë në makinë në momentin e krimit.Plava ka treguar para hetuesve se me Naimin është takuar rreth një javë para se të kryhej vrasja në një lokal në Klinë. Në tavolinë me ta ndodhej edhe Kushtrim Kokalla, i dyshuari tjetër për përfshirje në vrasjen e 30-vjeçares.“Gjatë bisedës në prezencë të të treve, Naimi më ka thënë se do t’i marrësh 30,000.00 euro pasi ta vrasim këtë grua. Në këtë ditë është përmend edhe kallashi për ta ekzekutuar këtë grua, por nuk kam pranuar. Pak para se të largohem m’i ka dhënë dhe 400 euro, dhe Kushtrimit ia ka dhënë një shumë tjetër dhe jemi marrë vesh që të kryhet kjo punë”. “Po ashtu, Naimi na ka thënë se ‘unë kam me shku në Shqipni dhe të kryhet kjo punë sa unë jam atje’”.Ai thotë se ditën e vrasjes, Naimi e ka telefonuar edhe i ka kërkuar “që të kryhet kjo punë”.“Në ditën e vrasjes më ka telefonuar në Whatsapp dhe më ka thënë se sot duhet të kryhet kjo punë, duke më thënë se ti e di se ‘kam pare unë, nëse ndodh diçka unë do të të nxjerr’. Më ka marrë me makinën e tij Range Rover rreth orës 12:00 ku kemi bërë gjiro tek Liqeni i Radoniçit. Aty është prishë goma e makinës dhe kemi shkuar në fshatin Novosellë e Epërme ku aty pronari i një gomisterie pasi e kemi rregulluar gomën, Naimi ka thënë se e mora këtë armë nga pronari i këtij gomisterie”.Gjithashtu ai ka deklaruar se në momentin e vrasjes së Liridonës, në makinë me të ka qenë edhe Naim Murseli. “Unë nuk i kam vërejt fëmijët, ndërsa Naimi ka qenë në veturë në momentin e vrasjes”.
