Vaksina falas per keto kategori, Manastirliu jep lajmin e mire

452
0

Ministrja Manastirliu me anë të një videoje në Facebook, njoftoi se vaksina e gripit do t’iu bëhet falas kategorive më të rrezikuara nga Covid-19.

“Të angazhuar për rritjen e mbulesës vaksinale ndaj gripit, falas për të gjithë kategoritë e rrezikuara, si pjesë e strategjisë tonë për të përballuar situatën e shkaktuar nga COVID19”, është shprehur ministrja.

Shefja e Departamentit të Sëmundjeve Infektive në Institutin e Shëndetit Publik, Silva Bino, ka treguar se në këto kategori përfshihen: personat me sëmundje kronike, punonjësit shëndetësorë, mësuesit, kujdestarët e fëmijëve dhe fëmijët nga mosha 2 deri në 5 vjeç.

“Ne kemi bërë vlerësimin dhe rivlerësimin e kategorive të riskut, të cilat janë të rëndësishme për vaksinimin ndaj gripit dhe njëhkohësisht janë subjekte të cilat janë dhe më të prekshme nga Covid19. Për shembull, personat me sëmundje kronike, natyrisht punonjësit shëndetësorë, mësuesit dhe të gjithë kujdestarët të cilët kujdesen për fëmijët si dhe fëmijët nga 2 deri në 5 vjeç, sepse ata transmetojnë më shumë gripin. Shpresojmë të kemi një situatë më të mirë të kontrollit të gripit, gjë e cila do të na ndihmojnë edhe për Covid19”, tha ajo.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.