Personi që shikoni në foton e mësipërme është 32 vjeçari Egli Pashollari, i cili u qëllua me thikë për vdekje pasditen e kësaj të premte, në Tiranë.
Ngjarja u regjistrua në rrugën “Kongresi i Lushnjës”, pranë Komisariatit numër 2, të Policisë, ku pas një sherri për motive banale, një grup të rinjsh u përleshën mes tyre me armë të ftohta, në ambjentet e një lokali.
Një goditje me thikë rezultoi fatale për Pashollarin, ndërsa nuk dihen ende shkaqet dhe rrethanat e plota të ngjarjes.
Ndërkohë, Egli Pashollari njihej si pjesëtar i grupit të Emiljano Shullazit. Në vitin 2020, kur ai ishte gardian burgu është akuzuar se ka tentuar t’i fusë alkool në qeli Shullazit.
Nuk dihet nëse ngjarja e sotme lidhet me këtë të fundit, ndërkohë grupi hetimor ka nisur hetimet për zbardhjen e plotë të rrethanave të rastit.