Pavarësisht se është larg politikës, Shkëlzen Berisha ka qenë dhe është gjithmonë në qendër të mediave.
Kryesisht kjo pasi, babai i tij, ish-kryeministri Berisha, është një ndër njerëzit më aktiv në politikën shqiptare dhe akuzat ndaj tij dhe Shkëlzenit nuk kanë munguar kurrë.
Përsa i përket jetës private, djali i ish-kryeministrit prej disa vitesh po shijon lidhjen dhe bashkëjetesën me ish-missin dhe blogeren e njohur Armina Mevlani, raporton Albeu.com.
Por para lidhjes me bukuroshen Mevlani, Shkëlzeni ka kaluar një martesë prej gati 15 vitesh me shkrimtaren Sadije Berisha.
Sadija dhe Shkëlzeni e nisën historinë e tyre të dashurisë në vitin 1998 dhe ndarja e tyre u lajmërua në media në 2013. Martesa nga e cila lindën dy fëmijë, Medina dhe Lajdon.
Si nisi dashuria mes tyre
Pas vrasjes së deputetit demokrat Azem Hajdari, Shkëlzen Berisha me urdhrin e Berishës udhëtoi tek miku i familjes në Suedi, Hasan Berisha.
Shkëlzeni atëherë ishte vetëm 22 vjeç dhe në familjen e miqve bëri menjëherë shoqëri me djalin e Hasanit, Kujtimin, dhe vajzat e tij.
Ishte pikërisht koha, ku mes Shkëlzenit dhe Sadijes e cila ishte vajza e mikut të Berishës, lindi dashuria.
Sadija, asokohe 30-vjeç dhe e divorcuar nga martesa e parë dhe me dy fëmijë, ra në dashuri me Shkëlzenin, 22 vjeç.
Mospranimi i lidhjes nga Sali Berisha:
Pas disa kohe lidhje, çifti deklaroi se kishin vendosur të martoheshin por vendimi nuk u prit mirë sidomos nga familja e ish-kryeministrit.
Thuhet se në muajt e parë Sali Berisha ndërpreu të gjitha marrëdhëniet me të birin dhe e distancoi së tepërmi atë.
Edhe pas martesës marrëdhëniet me familjen e Shkëlzenit në Tiranë mbeteshin të tensionuara.
Sadija dhe Zeni u bënë me një vajzë që e quajtën Medina dhe disa vite më vonë, lindën edhe një djalë, Lajdon.
Ndarja
Shumë vite më vonë dhe për herë të parë, vetë Sadije Berisha foli dhe tregoi arsyen e vërtetë pse përfundoi martesa me Shkëlzenin.
Gjatë një interviste ajo deklaroi hapur se martesa u shkatërrua kur Shkëlzeni u kthye në Shqëpëri për shkak të pengesave të shumta.
“Problemet kanë nisur që nga diferenca në moshë, te mospranimi i familjes dhe fakti që ishim rritur në vende të ndryshme, në mënyra të ndryshme dhe me mendësi të ndryshme”- tha Sadija duke shuar kuriozitetin se Armina Mevlani nuk ishte shkaktarja e ndarjes. /albeu.com/
