Është përshkruar si një zbulim një herë në jetë që i jep Britanisë një pasqyrë unike në historinë e saj të pasur. Ekipi me shtatë detektorëve metalikë zbuluan thesarin më të pasur ndonjëherë të Britanisë së Madhe me monedha argjendi dhe koleksioni i tyre u ble për një vlerë rekord prej 4.3 milionë dollarësh. Gjetja jashtëzakonisht e rrallë, që daton 1000 vjet më parë, u gërmua nga grupi i entuziastëve të zbulimit në një fushë në zonën Chew Valley në verilindje të Somerset, në janar 2019.
2,584 monedhat e argjendit përbëhen nga qindarkat e Mbretit Harold II nga fundi i monedhave anglo-saksone të Anglisë dhe William Pushtuesi, pas pushtimit norman të vitit 1066. Pjesa më e madhe e monedhave u gjetën nga Adam Staples dhe Lisa Grace.
Ndërkohë, pronari i tokës, identiteti i të cilit nuk bëhet i ditur, ka gjithashtu të drejtën e një 50% të të ardhurave që mund t’i ndryshojnë jetën, një vlerë marramendëse prej 2.15 milionë dollarësh. Shumë prej monedhave janë në gjendje të shkëlqyeshme dhe ekspertët thonë se ato do të kishin qenë një shumë e konsiderueshme parash në atë kohë dhe i përkisnin një personi të rëndësishëm dhe të pasur, i cili ndoshta i groposi për t’i ruajtur.