Tashmë është zyrtare, Bes Kallaku, Erion Isai dhe Olsi Bylyku do të jenë bashkë në një emision të ri. Ndërkohë që ata ishin disa nga emrat më të “nxehtë” në këtë merkato televizive, djemtë kanë hedhur poshtë çdo aludim duke publikuar foto në Instagram, nëpërmjet së cilës na kanë treguar që do të jenë pjesë e Tv Klan në sezonin e ri.
Ata u shfaqën krah Ardit Gjebreas dhe Aleksandër Frangaj ndërkohë që po punonin. Por çfarë do të përmbajë emisioni i tyre? Olsi Bylyku, ose i njohur nga publiku me emrin e artit Kimikati, në një prononcim për intv.al ka zbuluar detajet e emisionit. Ai u shpreh se 3 aktorët e njohur do të kenë një minutazh kohor rreth 1 orë-1 orë e gjysmë në spektalin e të Dielës Shqiptare ku do të realizojnë emisionin e tyre me skena të ndryshme gazmore, “Stand up-e”, por edhe personazhet e njohur komikë që ata kanë bërë gjatë gjithë viteve me të cilët jemi familjarizuar.
Olsi u shpreh gjithashtu për intv.al se në programin e tyre do të ketë të ftuar të ndryshëm, personazhe të njohur nga bota e showbizz-it në vend. Aftësitë e djemve si aktorë komedianë dihen tashmë dhe për detajet e tjera, nuk na mbetet gjë tjetër veçse të presim.
