Jo pak por 500 Euro në muaj sa për “lekë xhepi” do te jepen per te rinjte ne France.
A po josh në këtë mënyrë Presidenti Emmanuel Macron, të rinjtë francezë në prag të zgjedhjeve?
Lideri francez prezantoi atë që ai e quan “kontrata e angazhimit” që ka të bëjë me personat e moshës 16 deri në 26 vjeç që janë, “pa punë apo trajnim për disa muaj”.
Sipas tij, kjo kontratë do të hyjë në fuqi më 1 mars 2022, sipas njoftimit të presidentit në Facebook.
“Të rinjtë që i plotësojnë këto kritere do të përfitojnë kompensim mujor prej 500 eurosh, në këmbim të trajnimeve. Të rinjtë do të mund të regjistrohen në programe speciale për të pasur 15 deri në 20 orë trajnim në javë për të zbuluar një profesion, për t’u trajnuar dhe për të gjetur një punë”, shkruan Macron në postimin përkatës.
Sipas gazetës franceze “Le Figaro”, qeveria Macron po promovon kontratën për të rinjtë në një kohë kur vendi është në periudhën parazgjedhore.