‘Shtëpia e Lirisë’/ Zbardhet marrëveshja mes Berishës dhe Kryemadhit, ja cfare vendosen

69
0

“Shtëpia e Lirisë”, kështu quhet koalicioni i Komisionit të Rithemelimit të Partisë Demokratike me LSI-në për zgjedhjet e pjesshme vendore të 6 Marsit.

Sot është bërë publike dhe logoja e këtij koalicioni, ku vihet re ngjyra blu dhe ndërthurja me flamurin shqiptar.

Lajmin e koalicionit e dha ditën e djeshme ish-Kryeministri Sali Berisha ku deklaroi se 6 kandidatët të cilët dolën fitues nga primaret do të regjistrohen në zgjedhjet e pjesshme vendore të 6 Marsit në koalicionin politik të quajtur “Shtëpia e Lirisë” së bashku me LSI-në.

“Koalicioni do të quhet Shtëpia e Lirisë. Shtëpia e Lirisë do të ketë logon e vetë”, tha Berisha.

Në marrëveshjen politike të koalicionit thuhet se:

“Ne po bashkohemi si parti dhe si qytetarë për t’i sjellë ndryshimin Shqipërisë. Ne bashkohemi që të garantojmë fitoren në zgjedhjet e ardhshme dhe t’i sjellim ndryshim vendit tonë.

Të gjithë e dimë që duhet ndryshim. Shqiptarët janë të fortë, Shqipëria është e fortë. Ka vetëm një përgjegjës për dënimin e Shqipërisë në 8 vitet e fundit dhe ky është Edi Rama.

Ne po ndajmë të njëjtat vlera e parime në veprimtarinë e përgjithshme politike, si dhe në vizionin për qeverisjen e vendit. Dëshirojmë të koordinojmë angazhimet dhe kontributin për fitoren e përbashkët dhe prandaj:

VENDOSËM QË:

1.Të formojmë një Koalicion të gjerë opozitar për të konkurruar së bashku në zgjedhjet e pjesshme për kryetar bashkie në bashkitë, Shkodër, Dibër, Durrës, Rrogozhinë, Vorë dhe Lushnjë, të datës 06 Mars 2022.

2.Emri i koalicionit është “Shtëpia e Lirisë”

3.Shkronjat nistore të koalicionit do të jenë “SH-L”.

Drejtuese politike e koalicionit është Partia Demokratike e Shqipërisë, përfaqësuar nga Komisioni i Përkohshëm i Rithemelimit”.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.