Mariagrazia Bedin, është 24-vjeçarja që humbi jetën në një aksident automobilistik në Fondi, Itali, pasi bashkëshorti i saj shqiptar drejtonte makinën në gjendje të dehur dhe i droguar.
24 vjeçarja ndodhej në makinë me partnerin e saj, 22-vjeçarin Ali Hoxha, motrën e këtij të fundit dhe djalin e saj të porsalindur.
Por për shkaqe ende të paqarta, 22-vjeçari ka humbur kontrollin e mjetit, ka dalë nga rruga dhe është përmbysur disa herë. Kjo përplasje ishte fatale për 24-vjeçaren Maria Grazia Bedin, e cila vdiq menjëherë. I plagosur mbeti edhe partneri dhe motra e saj, të cilët u dërguan me urgjencë në spital, si dhe djali i porsalindur i çiftit, i cili aktualisht ndodhet në spital në gjendje të rëndë në Bambino Gesù në Romë.
Hipoteza më e mundshme është se shqiptari ka humbur kontrollin e makinës për shkak të shpejtësisë së madhe.
Hoxha u arrestua nën dyshimin për vrasje me automjet dhe kur iu nënshtrua testeve të alkoolit dhe drogës rezultoi pozitiv për të dyja.
24-vjeçarja Mariagrazia Bedin kishte tre fëmijë të vegjël në katër vitet e fundit. Në momentin e aksidentit në makinë ndodhej vetëm fëmija më i vogël, vetëm gjashtë muajsh i cili është plagosur rëndë. Fëmijët e tjerë të çiftit po udhëtonin me një makinë tjetër me gjyshërit.
