Kryeministri Edi Rama, ndodhet në Berlin, ku po takohet me zyrtarë të lartë gjermanë, lidhur me çeljen e mundshme të negociatave me BE-në, në muajin Tetor. Ndonëse Rama takoi edhe kancelaren Merkel, Gjermania para se vendi ynë të besojë se mund të bëhet pjesë e Bashkimit Europian duhet të plotësojë disa kushte.
Nuk dihet nëse kushtet lidhen me hapjen e mundshme të negociatave në muajin Tetor, apo me punën që duhet bërë më tej, mbi anëtarësimin e Shqipërisë.
Mediet gjermane, të cilat kanë parë nga afër draft-vendimin që deputetët e Bundestagut do të votojnë më 27 shtator, raportojnë se si kushte paraprake do të jenë reforma zgjedhore dhe funksionimi në tërësi i sistemit të drejtësisë.
Barriera e tjera për ekzekutivin shqiptar, sipas mediave të lidhura me partinë Social-demokrate gjermane, aktualisht në pushtet, janë kaq të larta sa vonojnë me disa vite procesin e negociatave me Brukselin.
Kushtet e Gjermanisë
Reformimi i Kodit Zgjedhor
Funksionimi i sistemit të Drejtësisë
Lufta kundër korrupsionit dhe krimit të organizuar
Ndjekje penale ndaj gjyqtarëve e prokurorëve të dyshuar për lidhje me mafian
Hetim lidhjeve të politikës me krimin
Ulja e kërkesave për azil
