Sot ajo njihet si një nga nutricionistet më të mira shqiptare dhe një grua në biznes tepër e zonja, mirëpo gjërat duket se nuk kanë qenë gjithnjë kaq të thjeshta për Blerina Bombaj. Dietologia e njohur, përveç se është një ndër profesionistet më të mira të llojit të saj, është gjithashtu një nga personazhet më aktive në rrjete sociale, sidomos në Instagram.
Në një postim në Instagram ditën e sotme, ka rrëfyer tërthorazi vështirësitë e saj ekonomike gjatë kohës që ka qenë studente. Në përshkrimin e fotos ku ajo shihet në tavolinë me të bijën, Blerina shkruan: “Po shijoj një kafe me Anën, e cila po provon “kulurin” me susam, ushqimi i vetëm që mund të përballoja në kjosken e shkollës kur isha studente, pasi ishte asortimenti më i lirë, ndërsa të tjerët merrnin sanduiçe.”
Edhe më parë dietologia e njohur ka folur pa komplekse në lidhur me të shkuarën e saj të vështirë. Ajo ka treguar se gjatë kohës që ka qenë studente ka kaluar shumë vështirësi ekonomike dhe i është dashur të punojë dhe të studiojë njëkohësisht për të përballuar shpenzimet.