Një video e ardhur nga Kazakistani po bën xhiron e rrjeteve sociale, pasi aty shihet sesi një ujk i qëlluar me armë nga gjahtarët, “ringjallet” dhe i sulmon ata.
Bisha e egër me plagë në qafë kthehet në jetë dhe tenton t’i ngulë dhëmbët këmbës së gjahtarit.
Ata menduan se ujk kishte ngordhur nga plagët e marrë prej armës së gjahut. Video dramatike u filmua nga gjuetarët në rrafshinat e mbuluara me dëborë të Kazakistanit teksa iu afruan bishës së egër të plagosur.
Gjahtari trembet dhe bërtet nga frika, ndërsa dëgjohen shokët e tij që qeshin dhe tallen edhe pse janë të hutuar nga sulmi i befasishëm i ujkut.
