Kryeministri Edi Rama ka njoftuar një vendim të rëndësishëm, për hapjen e një procesi që ai e quan “procesi i Këshillimit Kombëtar për Shqipërinë”.
Ky proces synon që të marrë mendimin e të gjithë shqiptarëve për disa çështje strategjike. Shqiptarët do të pyeten nëse duan të ndahen nga Maqedonia e Veriut për të vazhduar procesin e negociatave, duke qenë se vendi fqinj është bllokuar nga Bullgaria.
Rama thotë se në rast se ndahemi nga Maqedonia e Veriut atëherë Shqipëria nis procesin integrues në Bashkimin Europian.
