Një surprizë e bukur ka ardhur sot për lojtarët e ekipit të Partizanit, gjatë kohës që po kryenin stërvitjen ditore për tu përgatitur në ndeshjen e rahës kundër Flamurtarit të vlefshme për javën e 12-të.
Në ambientet e kompleksit stërvitor, ka ardhur edhe portieri Aldo Teqja, i cili pak kohë më parë pësoi një aksident, duke rënë nga kati i gjatë i pallatit ku ai jeton.
24-vjeçari ka qëndruar pranë shokëve të tij të ekipit në stërvitje, me të cilët pritet të bashkohet shumë shpejt në ditët e ardhshme.
Duket se rikuperimi i portierit po shkon në mënyrën e duhur, dhe shumë shpejt pritet ta shohim përsëri me pjesën tjetër të skuadrës.
