Një qenushe ka tërhequr vëmendjen me qëndrimin pranë varrit të pronarit të saj, duke ndenjur pjesën më të madhe të kohës pa lëvizur nga aty.
Fotot e qenit po bëjnë xhiron e botës, ndërsa qenushja shfaqet e pafuqishme dhe e brishtë. Të gjithë mendonin se kafsha donte të rinte pranë pronarit të saj, por kur u afruan tek varri vunë re diçka tjetër.
Mbrojtësja e kafshëve Vesna Mihajloski ndoqi nga pas qenin dhe zbuloi diçka shumë interesante.
Ajo kishte krijuar një gropë mbi varr për të mbajtur të sigurt dhe në vend të ngrohtë këlyshët e vegjël, të cilët sapo i kishte sjellë në jetë.
Fillimisht qenushja qëndronte në këtë vend për të qenë pranë personit që ishte kujdesur për të me vite të tëra, më pas sjellja në jetë e këlyshëve e lidhi edhe më shumë me këtë vend.
