Një djalë i ri shqiptar i moshës 30-vjeçare u gjet i pajetë brenda banesës së tij në Perosa Argentina, të Italisë.
Ishin fqinjët, ata të cilët mbrëmjen e së mërkurës, u shqetësuan, për shkak se qeni i tij lehte pafund.
Ndërkohë shqiptari nuk përgjigjej as në telefon dhe as në citofon.
Ishte pikërisht qeni ai që çoi në zbulimin e trupit të pajetë të 30-vjeçarit në krevat.
Dyshohet se shkak për vdekjen mund të jetë bërë një overdozë droge.
Sakaq policia vijon hetimet për zbulimin e rrethanave të ngjarjes, ndërkohë që identiteti i viktimës nuk bëhet me dije.