Me siguri që të gjithë e mbani mend rastin e Arditit tek “Dua të të bëj të lumtur”. I riu nga Elbasani ftoi në emision Loredonën, vajzën nga Korça që e kishte fiksim dhe e propozoi.
Ai solli historinë e tij të dashurisë me Loredonën, të cilën e kishte njohur në “Instagram”. Arditi rrëfeu se e kishte gjetur rastësisht Loredonën dhe se fotot e kishin shtyrë që t’i bënte “follow” asaj.
Të rinjtë kishin filluar të komunikonin me njëri-tjetrin për rreth dy muaj, e në momentin që Arditi i kishte propozuar Loredonës për t’u lidhur së bashku, ajo e kishte refuzuar.
Disa ditë më vonë, Arditit i vjen një mesazh, në të cilin shkruhej se duhej ta linte të qetë Loredonën, pasi “Instagram”-in e saj e menaxhonte dikush tjetër.
Ai i ishte drejtuar programit “Dua të të bëj të lumtur” që t’i krijonte mundësinë për të takuar për herë të parë Loredonën. “Unë të kam shkruar kohë më parë në Instagram, ku të shpreha ndjenjat e mia dhe tashmë dua që të jemi bashkë”, ishte propozimi i Arditit për Loredonën.
Gjatë bisedës që u zhvillua në studio, Loredona pohoi se në jetën e saj ishte dikush tjetër dhe se nuk dëshironte të komunikonte me Arditin.
Pavarësisht fjalëve të Loredonës, ai nuk e besoi dhe shtoi se ajo gënjente. Gjithashtu, Arditi pohoi se i shkruante shumë vajzave dhe se Loredona nuk ishte e vetmja.
Por ç’ka ndodhur me të?
Sipas Mega News, Arditi rikthehet sonte mbrëma në natën finale të emisionit “Dua të të bëj të lumtur”.
Bëhet fjalë për një puntatë speciale, ku ftohen të gjithë ata që kanë arritur diçka.
Dhe në fakt, Arditit i ka ndryshuar jeta. Por ç’të jetë vallë që ai është paraqitur sërish në emision?
Mos ka gjetur dashurinë e jetës? Do ta zbulojmë sonte!
